Қазақстан Республикасы Денсаулық сақтау және әлеуметтік даму министрінің 2020 жылғы 18 қарашадағы № ҚР ДСМ-198/2020 бұйрығымен бекітілген Стационарлық көмек көрсету қағидаларының талаптарына сәйкес балаларды стационарда емдеу кезінде (4-параграф):

- Науқас балаға күтім жасау бойынша еңбекке уақытша жарамсыздық парағы немесе анықтамасы оған күтімді қажет ететін кезеңге беріледі және ұзартылады, бірақ күнтізбелік он күннен аспайды. Тұрақты тұрғылықты жерінен тыс жерде анасымен немесе баланың басқа заңды өкілімен , бала ауырған кезде науқас баланы күту бойынша еңбекке уақытша жарамсыздық парағы немесе анықтамасы қаладан тыс жерде (медициналық ұйым басшысының қолымен) беріледі.

- Баланы стационарлық емдеу кезінде, оның ішінде ДКК қорытындысы бойынша күтімге мұқтаж оңалту орталығында күтім бойынша еңбекке уақытша жарамсыздық парағы немесе анықтамасы ата-анасының біріне немесе емдеу кезінде оған күтім жасайтын адамға беріледі:

1) үш жасқа дейінгі бала - баланың стационарда болуының барлық кезеңіне;

2) үш жастан асқан ауыр науқас балалар - бала осындай күтімді қажет ететін мерзімге;

3) мүгедек бала-ДКК қорытындысы бойынша стационарда болудың барлық кезеңіне;

4) медициналық ұйымның жолдамасы бойынша олардың тұрақты тұратын жерінен тыс, оның ішінде Қазақстан Республикасынан тыс жерлерге, екі жаққа да жол жүруге қажетті уақытты қоса алғанда, стационарда болудың барлық кезеңіне жіберіледі.

Стационарға түскен кезде баланы күтуді жүзеге асыратын адам нақты жұмыс орны мен лауазымын хабарлауы қажет.